我已經34歲, 十幾年前讀到HIGH DIP, 現時人工同你差唔多, 响OU讀緊個PART TIME DEGREE, 仲有一年半就畢業, 你考慮過o既嘢, 我都考慮過, 你的想法與顧慮我都認為很合理, 但係既然我已經選擇咗讀DEGREE, 即係話我已經想到這些問題的答案, 雖然我講o既嘢不一定全正確, 但係既然大家係同一種人, 又咁有緣响E度遇到, 都想分享一下我的發現和決定讀書的理據.

(1) 應否用3數年讀DEGREE, 再用畢生時間還債?其實我想修正你的問題, 問題應是: 「到底應否用3數年讀DEGREE, 再用十年時間還債.」因為你十四年之後都係47歲嗻, 已經還晒債, 你冇用到畢生時間, 如果你65歲退休, 仲有十八年可做. 最核心的問題是「徝唔徝」, 下一條問題同你一齊深入探討:

(2) 定還是安守本份, 繼續做8K小文員?其實你是沒有機會安守本份的! 如果你唔進修, 可能你會變7K, 6K. 點解?

因為香港年青人的受教育機會由40年前開始, 不斷增加, 相對每一個程度的學歷的競爭力會不斷減少, 結果會係點, 以下是一些真實例子:

例子(一):就好似我識得有個現年50歲左右的中年保安員, 其實他二十幾歲的時候係廠長, 當時中三程度, 已經叫做好高學歷, 但係隨着香港九年免費教育的出現, 香港人越來越多有中五程度或中七程度, 他的競爭力亦因此不斷降低, 他未夠45歲已經只可當保安員.

例子(二):我嫂子在中銀任職助理經理, 但是完成了OU的Master Degree之後, 冇升過職, 冇加過人工, 因為現時的Master Degree比以前普及, 因此競爭力亦只等於十幾年前的Degree的競爭力, 在公司的角度來說, 她只是保持了自已的競爭力, 並沒有提升自已的價徝, 所以冇加佢人工, 如果佢冇讀Master Degree, 可能遲早踢佢出局.

例子(三):我兄長在銀行任職副總裁, 但當完成了浸大的Master Degree之後, 不單沒有升職, 而且每月還需減一萬2千元人工, 連降兩級, 因為兄長於二十年前大學畢業時, 大學生是非常有競爭力和徝錢的, 所以經常有人工加, 有級升, 但係近十幾年來, 香港的大學學位和碩士學位畢業生不斷提升, 令到有碩士學位的人競爭力低於二十年前的大學畢業生, 雖然兄長的學歷表面上是提升了, 但公司卻計出他的市場價徝和競爭力仍降低了, 所以需要降職, 他的職位當然係由牛津或劍橋的碩士持有人補上, 當然, 如果佢連碩士都唔讀, 就一定炒友啦!

其實我們手上的學歷, 其價徝會隨着大專教育的普及而不斷降低(這是物以罕為貴的道理). 據我的粗略估計, 現時高級文憑的競爭力 = 十幾年前的中五畢業, 因為舉物業管業助理為例, 十幾年前, 只要中五畢業便可入職當管業助理, 現在請人廣告雖仍寫中五畢業便可申請管業助理一職, 但係冇高級文憑都好難入到, 除非有數年有關經驗.相信你現在已經明白點解你讀完中大個PRO DIP, 公司唔升你職, 加你人工, 因為你老闆只係當你維持咗你8K的市場價徝, 當然, 如果你冇讀, 佢唔會願意長久以8K請你, 會揾D嘢黎難為你, 等你自已走.跟據現時政府統計處的數字, 現時的大專生人口係約15%, 但係我計到15年之後大學生人口同樣會真逼15%, 即係話當你48歲的時候, 你要有DEGREE才可保住你現時的人工和職位, 你的中大PRO DIP就會俾人當係現時的中五畢業的競爭力, 再加上年紀大, 令到你的市場價徝一減再減, 可能連商場保安員都做唔到, 因為現時高級商場的保安員已經有中七畢業生. 所以你應該讀.

2008-04-20 16:12:25 補充
High dip 和 Pro dip 是否duplicate?我覺得係, 而且你想日後有保障, 應該盡快讀個政府認可的DEGREE, 因為香港的教育制度於這十年來都將DEGREE的每年學額定於14000左右, 但係副學位就多好多, 即係話副學位, 高級文憑等都會好快好唔徝錢, 大學學位先至有D保徝能力.

2008-04-20 16:12:46 補充
讀DEGREE會唔會太吃力?如果驚太吃力, 可以讀OU(香港公開大學), 因為OU彈性較大, 你可以選擇讀多幾年同埋每年讀少D學分, 遲D畢業, 反正跟據現時的統計數字推論, 你十五年之後先至有危機. 遲D畢業都唔緊要啦. 況且如果你將你的修讀年期增長一倍, 你可以每年只需付約一萬元學費, 即係每月一千元左右, 咁你咪唔使借錢同捱貴利息囉. 而且OU俾其他本地大專院校的豁免都唔少, 就好似我咁, 用十幾年前的高級文憑去OU申請豁免, 結果免咗六十個學分, 即係可以俾少5萬7千元學費. 你中大個PRO DIP話唔定都有得豁免一部份的學費, 可以減輕唔少財政負擔.

2008-04-20 16:13:25 補充
DEGREE 同 TOP UP DEGREE 的分別:其實Top up Degree 的意思是當你有咗一個專上學歷而報讀另一個大學學位取得一些學分豁免, 但係宜家香港共識的Top up Degree的意思係用一個專上學歷去報讀一個海外大學在港開辦的學歷, 點解有咁o既共識? 因為海外大學在港開辦的學位俾得特別多豁免.

2008-04-20 16:14:03 補充
但係建議你最好讀政府認可的本地院校DEGREE才安全, 因為海外好多在港開辦課程的大學用較平的學費及較短的修學時間去吸引你, 但係讀完出黎絶大部份不被僱主認可, 即係當冇讀過! 當然, 牛津, 劍橋, LONDON U 等名校例外,
2008-04-20 16:14:15 補充

但係其他果D, 全世界有成千幾間以上, 香港D老闆點會認識? 即使你找到一間在國際上有些少名氣的海外大學讀, D老闆都可能當佢係野雞(除非你直接响外國讀), 因為海外在港舉辦的大學學位無需通過香港的教育評審, 質數可以差天共地, 所以你都係讀本地院校的DEGREE比較安全, 最少你老闆知道你個學歷係特區政府認可, 唔會當你係野雞. 如果在港讀海外大學, 讀完先知道冇人認可, 就等如白讀!

看完文章想死感覺,真係不想讀書都不得,我只係想係維持人工都不係容易.